दुनिया..

दयावे दोष मलाच सांगूनी मी
केले लोकांना चौकटीतून मोकळे
मी असाच आहे;तसाच आहे म्हणूनी
घेतले आत्ताच त्यांनी श्वास मोकळे

सद्गुणांचे ऒझे माझ्या
जड त्यांना वाटूं लागले
मारलेले बाणही त्यांनी
मागून पुन्हा घेतले

घालूनी घांव अंति
त्यांचे डोळे पाणावले
तुझ्यामुळेच म्हणाले
आमचे शस्त्र बोथट झाले

प्रेतयात्रेस माझ्या
त्यांनी लाविल्या रांगा
होता माणूस बरा
हे ही म्हणून घेतले..