प्रेम ..

प्रेम ...!
जे शब्दातून व्यक्त झालं नाही कधीही ते प्रेम ..शब्दांनी फक्त त्या अव्यक्ताची संकल्पना मांडली..पण ते शब्द म्हणजेच प्रेम नव्हे. त्याला नव्हतं काळाचं बंधन ना दिवसाचं..मौनही पुरेसं बोलकं ठरवतं प्रेम..अनंत त्याची व्याप्ती..ते या कुडीतून व्यक्त व्हायचं तरी कसं..?? ज्याला ते कळालं तो मौन झाला..समुद्र फक्त अनुभवायचा असतो हे त्याला कळालं ..शब्द त्यात विलिन होतात जणू ..!
सागर तटावर " तो " काहीच बोलत नाही तेव्हा "तिला "आश्चर्य वाटतं ..तो रेतीवर वेड्यावाकड्या रेघा उमटवत राहतो.. ते असह्य होऊन ती त्याचा हात धरते..म्हणते बोल काही ..तरीही तो स्मित करतो ;पुन्हा मौन होतो ..तिला ते कायम वेडेपण वाटत राहतं ..मग एके दिवशी त्या अव्यक्ततेची अनुभूती तिला होते..त्याच्या त्या  रेषांना अर्थ प्राप्त होतो. ..
शब्दात व्यक्त न होऊ पाहणारं प्रेम हाताद्वारे असमर्थता दाखवत होतं ..!!